ताजा खबर

माओवादीका निम्ति नयाँ सरकार

निल्नु न ओकल्नु !

काठमाण्डौं । असार १२ गते अर्थात् जुन २६ मा प्रधानमन्त्री पदबाट गिरिजाप्रसाद कोइरालाले दिएको राजीनामा माओवादीका निम्ति निल्नु न ओकल्नु भएको छ । राजीनामा दिएको एक साता वितिसक्दा पनि संविधानसभाको सबैभन्दा ठूलो दल नेकपा माओवादीले अन्य राजनीतिक दलका नेताहरुलाई समेटर नया सरकार गठन गर्ने प्रक्रियासमेत थालेको छैन । सरकार गठन ठोस गृहकार्य गर्नुअघि संविधानसभाको वैठकबाट प्रस्तावित पाँचौं संशोधन विधेक पारित हुनुपर्छ ।

लन्डन । बिजिडब्लुयस् अध्यक्ष मेजर रिटायर्ड टिकेन्द्रदल देवानले बेलायती वरिष्ठ अधिकारीहरुसंग गोर्खा विषयमा छलफल गर्नुभएको छ । गत २४ जुन दिउंसो सांढे दुइ बजे बेलायतको प्रमुख दल कन्जरभेटिभ पार्टीको निमण्त्रणामा बिजिडब्लुयस् अध्यक्ष मेजर रिटायर्ड देवानले पोर्टिकुलस हाउस वेस्टमिन्स्टरमा ती अधिकारीहरुसंग छलफल गर्नुभएको हो ।

गोर्खाली आवाज, बहस र एकता : गोपाल चिन्तन

आशा छ, नेपालीपत्रले शुरु गरेको गोरखाहरूको आन्दोलनसम्बन्धी यस खुला बहसको तेस्रो पाता पाठकहरूलाई अवश्य पनि राम्रो लाग्यो । गत हप्ताको लेख मूलतः स्तम्भ-परिचयमात्र भएकाले खासै धेरै प्रतिक्रियाहरूको अपेक्षा पनि गरिएको थिएन । तर, संयोगवशः उसै अंकको उसै पातामा एकजना भूतपूर्व गोरखा सैनिक पदमसुन्दर लिम्बुले लेख्नुभएको खुलापत्र निकै सान्दर्भिक लाग्यो ।

रेडिङ । रेडिङ वोरो काउन्सिल (उपमहानगरपालिका) ले आन्दोलनरत गोर्खालीका पक्षमा अत्यन्तै महत्वपूर्ण् र्सार्वजनिक महत्वको प्रस्ताव पारित गरेको छ । २४ जुनमा काउन्सिल सभाकक्षमा कार्यक्रम भएको हो । काउन्सिलका लेवोर पार्टीको २०, कन्जरभेटिभ पार्टीको १९, लिव्डेमका ८ र अन्य स्वतन्त्र गरि ५२ जना काउन्सिलरहरुले र्सवसम्मतिका साथ सो प्रस्ताव पास गरेका हुन् । लेवोर पार्टी काउन्सिलर रिचर्ड स्टेन्थोप प्रस्ताव पेश गर्दै भन्नुभयो-'गोर्खालीहरुले दिएको बफादारीपूर्ण योगदानको अवमुल्यन गरेर बेलायत सरकारले आफ्ना जनता र राष्ट्रलाई अत्यन्तै लज्जित अवस्थामा पुर्‍याएकामा हामी अत्यन्तै चिन्तित र दुखित छौं ।'

लन्डन । एनआरएन, युकेको चौथो बैठक २९ जुन २००८ का दिन थेम्स् कलेज, लन्डनको सभाकक्षमा सम्पन्न भएको छ । बैठक एनआरएन, युके अध्यक्ष डमर घलेको अध्यक्षतामा भएको हो । बैठकमा उपाध्यक्षद्वय आंङकाल्जंङ लामा र र्सूय गुरुङ लगायत सदस्यहरु र सल्लाहकारहरुको उपस्थिति थियो । बैठक संचालन राष्ट्रिय कोअर्डिनेटर कर्ण शाहीले गर्नु भएको थियो । मिटिंङमा १२ बुंदे विभिन्न एजेन्डामा छलफल भएको थियो । मिटिंङ विशेष गरि दुइ एजेन्डा बेलायतमा रहेका नेपालीहरुको जनगणना र सेप्टेम्बरमा लन्डनमा हुन लागेको 'नेपाल मेला' बारे बृहत छलफल भयो ।

फानबरो । इन्टेक १९८५ ले गत २८ जुनमा फानबरोस्थित ओकफार्म कम्युनिटी स्कुल प्राङ्गणमा भव्य बिबिक्यु पार्टी आयोजना गरेको छ । मौसम र उत्साहित सहभागीले साथ दिएर कार्यक्रम सफल भएपछि संस्था दंग छ । कार्यक्रममा खानपिनसंगै म्युजिकल चियर, बेलुन फुटाउने, घैंटो फुटाउने, राफल ड्र, चट्नी कम्पिटिशन र नाचगान पनि भए । आफ्नै परिस्थितिले लामो समयसम्म भेटघाट हुन नसकेका नम्बरी, नम्बर्नीहरु एकै ठाउँमा एकत्रित हुन पाउँदा रमाइरहेका देखिन्थे ।