दाङ, माघ २६/उपप्रधानमन्त्री विजयकुमार गच्छदारले संविधानसभाको समय थप्न नहुने बताएका छन् । जसरी पनि जेठ १४ गतेभित्रै नयाँ संविधान जारी गर्नुपर्ने भन्दै उनले माओवादी, कांग्रेस र एमालेबीच सहमति हुनेबित्तिकै ८-१० दिनभित्रमै नयाँ संविधान तयार हुने बताए ।

—पदक तालिकामा पाँचौं
काठमाडौँ, माघ २६/बंगलादेशको राजधानी ढाकामा जारी एघारौं सागमा नेपालले स्वर्ण पदक जित्ने क्रमलाई मंगलबार पनि निरन्तरता दिएको छ । एथलेटिक्स खेलाडी राजेन्द्र भण्डारीले नेपाललाई आठौँ स्वर्ण पदक दिलाएका छन्। बिहान भएको ४ हजार २ सय मिटरको म्याराथनमा भण्डारीले स्वर्ण जितेका हुन्। दसौं सागमा भण्डारीले ५ हजार र ३ हजार मिटर गरी २ वटा स्वर्ण जितेका थिए।

काठमाडौं, माघ २६/उपप्रधान तथा परराष्ट्रमन्त्री सुजाता कोइरालाले सञ्चार उद्यमी जमिम शाहको हत्याले प्रहरीको भूमिकामाथि नै शंका उब्जिएको बताएकी छन् । मंगलबार बिहान शाहको घर पुगेकी मन्त्री कोइरालाले प्रहरीभित्र पनि अनुसन्धान हुनुपर्ने बताइन् । "राजधानीको सबैभन्दा सुरक्षित मानिएको स्थानबाट दिनदहाडै हत्या गरी अपराधी सजिलै उम्कनुले प्रहरीको भूमिका माथि शंका थपिएको छ", उनले भनिन् ।