अवतारको दोस्रो भागका लागि निर्माता हुरुक्क

"अवतार" फिल्मका निर्माता रहेका न्यूज कर्प अध्यक्ष रूपर्ट मुर्डोकले यसको अर्को भाग बनाउन एउटा विशेष भेट गरेको खुलाएका छन् । अवतारले पछिल्लो समय हलिउडका सबै कमाईको कीर्तिमान तोडेको छ ।

अवतारको डीभीडी रिलिजको तयारीमा रहेको न्यूज कर्पको भगिनी संस्था ट्वेन्टिथ सेन्चुरी फक्सका मालिकसमेत रहेका मुर्डोकले अवतारको थ्रीडी भर्सनलाई डीभीडीमा रिलिज नगर्ने बताएका छन् । तर डीभीडीलाई चाँडोभन्दा चाँडो बजारमा ल्याउन आफू निकै व्यग्र रहेको मुर्डोकले बताएका छन् ।

अवतारका कारण फिल्म निर्माण तथा वितरक कम्पनी ट्वेन्टिथ सेन्चुरी फक्सको आम्दानी आकासिएको देखिएको छ भने यो अझै रोकिने स्थितिमा देखिएको छैन । तर निर्माता र निर्देशकबीच यसको दोस्रो भागका लागि हल्का कुराकानी भएको चाहिँ उनले खुलाएका छन्- "निर्देशक जिमले मलाई अर्को भागका लागि केही सुनाएका छन् तर हामीले कुनै सहमति गरेका छैनौँ न त वचन नै दिएको छु । अब वचन नै नदिएको कुरालाई लिएर बजेट छलफल हुने वा कहिलेसम्म बन्ने भन्ने कुरा अहिलेलाई थाँती रहन्छ नै !" मुर्डोकले अवतारको दोश्रो भागका लागि अातुर भएको बताउन भने चुकेनन् ।

१० वर्षलगाएर अवतार बनाएका निर्देशक क्यामरनलाई इङ्गित गर्दै उनले भने- "उनले १० वर्षलाएर फिल्म बनाए, केही वर्षत सास फेर्ने अवसर त दिनै पर्ला !" अवतारले हालै अस्कर अवार्डमा नौ विधामा नामाङ्कित हुने अवसर पाएको छ भने अहिलेसम्मकै महँगो फिल्म र अहिलेसम्मकै सबैभन्दा धेरै कमाउने फिल्मसमेत बनेको छ ।

Last Updated : 2010-02-03 06:27:21 | Text Size :

Print

E-mail

Name
Email Address
Comments

If you can't read the word, click here
Type word shown as above(to stop spam):

* ALL CAPS LETTER