कोइरालाको निधन, शवयात्रा र अन्त्येष्टि भोलि

काठमाडौं, चैत ७/पूर्वप्रधानमन्त्री तथा नेपाली कांग्रेसका सभापति गिरिजाप्रसाद कोइरालाको १२ बजेर १० मिनेटमा दुःखद् निधन भएको छ । नेपालको इतिहासमा सबैभन्दा बढी समय प्रधानमन्त्री रहेका कोइरालाको शुक्रबार बेलुकीदेखि नै स्वास्थ्यस्थिति गम्भीर भएको थियो । उनको निधनलगत्तै मन्डिखाटारमा बसेको कांग्रेस केन्द्रीय कार्यसमितिको आकस्मिक बैठकले निधनको औपचारिक घोषणा गर्दै आइतबार अन्त्येष्टि गर्ने निर्णय गरेको छ ।

बैठकले आइतबार बिहान ८ बजे दशरथ रंगशालामा अन्तिम श्रद्धाञ्जलीका लागि कोइरालाको शव राखी २ बजे शवयात्रा गर्ने निर्णय पनि गरेको छ ।

मण्डिखाटारमा अहिले नेता कार्यकर्ता तथा शुभचिन्तक  भीड लागेको छ । कोइरालाई भेट्न राष्ट्रपति रामवरण यादव, प्रधानमन्त्री माधवकुमार नेपाल, पुष्पकमल दाहाल, एमाले अध्यक्ष झलनाथ खनाल, भारतीय राजदूत राकेश सुदलगायत अन्य नेताहरू मण्डिखाटार पुगेका थिए ।

नेपाली कांग्रेसका जिल्लाबाहिर रहेका सम्पूर्ण नेताहरूलाई काठमाडौं फर्कन कांग्रेसले निर्देशन दिएको छ ।

Last Updated : 2010-03-20 05:14:07 | Text Size :

Print

E-mail

Name
Email Address
Comments

If you can't read the word, click here
Type word shown as above(to stop spam):

* ALL CAPS LETTER