चोरी घट्नामा संलग्न चार पक्राउ

ललितपुर, १६ पुस । महानगरीय प्रहरी परिसर जावलाखेलले चोरीका तीन ठूला घटनामा संलग्न चार जनालाई पक्राउ गरेको छ भने एक जना अझै फरार रहेक जनाएको छ ।

ललितपुर इमाडोल-९ सेतीपाखामा डेरा गरी बस्ने बेलायती नागरिक पौल किङको कोठाबाट यही पुस १२ गते १४ हजार रसियन रुवल र सातसय अमेरिकी डलर चोरी गर्ने सिन्धुपाल्चोकका भीमटार-९का यज्ञबहादुर माझीलाई प्रहरीले प्रक्राउ गरेको छ । माझी किङको घरमा काम गर्दै आएका थिए ।

परिसर प्रमुख केदारमान सिंह भण्डारीले रू.६० हजार बराबरको धनमाल लुटपाट गरेको अभियोगमा दोलखा सैलुङ्गेश्वर-४ का २४ वषिर्य लीलाबहादुर श्रेष्ठलाई पक्राउ गरिएको जानकारी दिनुभयो ।

श्रेष्ठले अन्य एक साथीसँग मिलेर यही पुस १२ गते टिकाथली-६ का डा.दुर्गाप्रसाद भण्डारीको घरमा लुटपाट गरेको प्रहरीले जनाएको छ ।

यस्तै मोटरसाइकल चोरी गरेको अभियोगमा प्रहरीले दुइ जनालाई पक्राउ गरेको छ । पक्राउ पर्नेमा एकान्तकुना डेरा गरी बस्ने सिन्धुपाल्चोकका सागर लाम र युगल शेरचन छन् ।

उनीहरूले यही पुस १३ गते राती गोदावरी-४ बस्ने राजु उपाध्यायको रू. एक लाख ६७ हजार पर्ने बा.१४ प २१२६ नम्बरको हार्डफोर्ड मोटरसाइकल चोरी गरेको परिसर प्रमुख भण्डारीले बताउनुभयो । रासस

Last Updated : 2008-12-31 17:32:45 | Text Size :

Print

E-mail

Name
Email Address
Comments

If you can't read the word, click here
Type word shown as above(to stop spam):

* ALL CAPS LETTER